Rose
Vir jou het ons gebid
Vir jou het ons gewag
Vir jou het ons harte langpad gestap
Vader het ons toegelaat
om jou hart in ons hande te vat
Te koester
Te leer
Op te rig tot Sy eer
Jou vreugde
Omvou elke mens se hart in verlange
Verlange na meer
Meer van jou lig
Sy lig
Jou teenwoordigheid
Het ons harte oorlaai met nuwe lewe
onmisbaar, helder rose geure
Ons oortuig van Vader se waarheid
Sy genade is vir ons genoeg
Hy het sy getroue, geliefde dogter gestuur
om ons harte in liefde te oortuig
Hy hoor ons gebed in elke uur
Vir jou is ons lief
Ons eie meisiekind
In genade aan ons toevertrou
Deur jou het ons vreugde weer gevind
In God bly ons vreugde vir altyd gebind
> Hartsgeheime